Galiza Nova de ORDES

2011-05-14T12:05:00.001+02:00

Novo Boletín de Información á Mocidade!!

2011-05-14T11:47:00.009+02:00

GALIZA NOVA DE ORDES IMPULSA UNHA RECOLLIDA DE SINATURAS PARA O MANTEMENTO DO NOITEBÚS

2010-11-07T15:37:00.003+01:00

A organización xuvenil do BNG considera moi importante este servizo para o sector do lecer nocturno en Ordes.
Galiza Nova de Ordes, organización xuvenil do BNG, anunciou que iniciará nos próximos días unha recollida de sinaturas na comarca de Ordes para reclamar á Xunta de Galiza a continuidade do servizo de Noitebús. Esta iniciativa da organización xuvenil nacionalista constitue a continuación da campaña iniciada polo BNG coa presentación dunha moción no Concello de Ordes na que se instaba á Xunta a manter en funcionamento o transporte público nocturno a lugares de lecer sen aplicar ningunha redución das rutas e mellorando a súa dotación e funcionamento, esta moción conseguiu o apoio de todos os Grupos Políticos da Corporación Municipal, excepto o PP, no Pleno celebrado o pasado 26 de outubro.
Galiza Nova de Ordes informou de que a recollida de sinaturas se focalizará nos centros de ensino secundario da comarca ordense, e fixo fincapé en que “a demanda que rexistrou este servizo desde a súa posta en funcionamento da boa mostra de que é un servizo necesario do que non se pode prescindir”.
Para a organización xuvenil nacionalista “resulta difícil de entender que o goberno do PP na Xunta pretenda a supresión dun servizo que posibilitou perto de 400.000 desprazamentos no último ano, cun custo total de 4,5 millóns de euros, inferior ao que vai costar a todos os galegos e galegas a visita do Papa”.
Galiza Nova de Ordes lembrou que “desde a propia Dirección Xeral de Tráfico afirmouse que este servizo ten demostrado a súa eficacia, contribuindo a eliminar vítimas e a concienciar sobre a condución segura, e a plataforma Stop Accidentes ten cualificado a pretensión do goberno do PP de desastre, engadindo que sempre é máis barato previr que lamentar”.
Finalmente, a organización xuxenil nacionalista salientou que “este servizo resulta sumamente importante no concello de Ordes, onde o sector do ocio nocturno ten grande importancia económica, como o demostra a existencia de liñas de Noitebús que comunican Ordes, durante as noites da fin de semana, con concellos tan importantes como Carballo, Santiago ou A Coruña”.

29 de setembro: manifestación en apoio á folga xeral

2010-09-24T18:46:00.004+02:00

Galiza Nova participará das manifestacións convocadas pola CIG para o vindeiro 29 de setembro, en apoio á folga xeral.

Desde a nosa organización chamamos ás mozas e mozos a participar destas mobilizacións coas que amosaremos o rexeitamento á contrarreforma laboral aprobada polo PSOE no goberno do Estado e demandaremos un cambio de rumbo nas políticas en materia laboral, así como outro modelo económico e social máis xusto e solidario.

Polo futuro da mocidade, polo futuro de Galiza. Non faltes!
Compostela, 12.30 h, Praza Roxa.

GALIZA NOVA DE ORDES DENUNCIA A EXISTENCIA DE VERTEDOIROS INCONTROLADOS EN PLENO CENTRO URBÁN DO CONCELLO.

2010-08-14T12:42:00.003+02:00

Para a organización xuvenil do BNG é inconcibible que un concello como o de Ordes, distinguido con varios premios en xestión de residuos, permita a existencia de vertedoiros en varios puntos da vila, incluíndo o centro urbán.

Dende Galiza Nova de Ordes, creemos que é lamentable que o alcalde Manuel Regos e o edil de medio ambiente Xesús Pedreira, presuman de ir recoller a bandeira verde no hotel Ritz de Madrid o pasado mes de Maio e en cambio, que existan este tipo de vertedoiros incontrolados no casco urbano do pobo de Ordes e nas parroquias do concello.

A organización das mocidades do BNG quere denunciar e esixir a inmediata eliminación dun vertedoiro incontrolado situado na Rúa do Mediodía, que está a causar innumerables molestias aos veciños e a contaminación do medio ambiente.

Lamentablemente o vertedoiro da Rúa Mediodía non é un caso illado, xa que no Concello abundan este tipo de vertedoiros nos que se acumula todo tipo de residuos, dende escombro, bolsas de plástico, ferros, ata electrodomésticos; que contaminan o medio ambiente e prexudican a saúde de todos os veciños e veciñas.

No Concello de Ordes, líderes en desemprego xuvenil.

2010-04-18T17:12:00.002+02:00

Índice de paro xuvenil segundo datos de xaneiro de 2010.

Ordes atópase á cabeza dos Concellos da Comarca en paro xuvenil, sendo 114 os menores de 25 anos que integraban as listas do paro a finais do pasado ano.

Como consecuencia da crise económica que estamos a vivir, ó longo dos últimos meses o número de parados en Galiza foi en aumento, e como é lóxico Ordes non permaneceu alleo a esa tendencia.
No noso concello foron varias empresas as que levaron a cabo ou ben reducións de plantel, ou directamente pecharon a porta e deixaron ós seus empregados na rúa.
Resulta moi preocupante a evolución do desemprego no Concello de Ordes, xa que, en comparación con Oroso, Cerceda, Trazo e Tordoia, superamos a súa taxa de paro nun 33% e desgraciadamente, non imos quedar nestas cifras, xa que todas as previsións apuntan a que estas se incrementen nos próximos meses. Ante este panorama, dende Galiza Nova de Ordes, cremos que cómpre actuar e tratar de por solucións que, cando menos, freen esta tendencia.
Dende Galiza Nova cremos que debe levarse a cabo a elaboración dun Plan de Emprego Xuvenil (PEX), no que se faga unha análise da realidade socioeconómica do Concello e se recollan actuacións encamiñadas a facilitar a integración no mercado laboral da xente nova. Estas actuacións deben incidir na formación, a orientación e a inserción no mercado de traballo.
De seguido expóñense unha serie de ideas que ben poderían ter cabida no PEX:
1. Promoción da contratación da xente nova por parte das empresas establecidas no Concello mediante incentivos a aquelas que empreguen xente moza a través de contratos de longa duración.
2. Creación dun viveiro de empresas para favorecer o autoemprego.
3. Nos concursos públicos, que o Concello teña en conta especialmente a aquelas empresas que contraten xente moza de Ordes. Así como que, aqueles postos de traballo dependentes directamente do Concello (Radio Ordes, mestres de obradoiros, monitores de actividades) sexan ocupados por xente moza do Concello.
4. Creación de Obradoiros de Emprego encamiñados a lograr a ocupación dos mozos e mozas á vez que se forman. Nestes momentos, podería ser de gran interese a creación dun Obradoiro de Enerxías Renovables e Eficiencia Enerxética.
5. Realización de actividades formativas que proporcionen competencias ós moz@s en eidos tales como a soldadura, fontanería, electricidade, albanería, axuda a domicilio, agricultura ecolóxica, hostalería, etc. mediante o emprego das axudas existentes das distintas administracións.
6. Realización de prácticas profesionais nas empresas locais por parte dos estudantes universitarios.

O Xoves 21 de Xaneiro, manifestate en contra do decreto do PP!

2010-01-19T23:27:00.003+01:00

Este Xoves 21 de Xaneiro únete á folga estudantil e acude ás 11:00 á Alameda de Santiago de Compostela, á concentración convocada pola plataforma Queremos Galego para a defensa da Lingua e para mostrarse en contra do decreto do PP.

25 de Novembro, Dia Internacional Contra a Violencia Machista

2009-11-24T23:50:00.009+01:00

A Asamblea de Mulleres de Galiza Nova da Comarca de Compostela, convoca unha concentración este Mércores ás 20:30 na praza do Toural en Santiago de Compostela.

Para saber de outras concentracións no país, clica aqui

GALIZA NOVA DE ORDES CRITICA O RETRASO NA TRAMITACIÓN DAS AXUDAS POR DESPRAZAMENTO A ESTUDANTES.

2009-11-18T12:15:00.000+01:00

A organización xuvenil do BNG lamenta que o alcalde, Manuel Regos, non considere prioritario o apoio aos estudantes do concello.

Galiza Nova de Ordes quere amosar a súa preocupación xa que a día de hoxe o goberno municipal non ten feito a convocatoria de axudas por desprazamento a estudantes, cando en anos anteriores, por estas datas, xa tiña finalizado o prazo de presentación de solicitudes.

Estas axudas beneficiaban a un gran número de persoas, xa que podían ser solicitadas por todos aqueles estudantes de ensino secundario obrigatorio, bacharelato, ciclos formativos e universitarios que tiveran o seu centro de ensino a máis de 4 km do lugar de residencia.

Para a organización xuvenil nacionalista é indispensábel que esta medida de apoio aos mozos e mozas do concello se manteña, non só porque se trata dunha das únicas iniciativas do goberno municipal para a mocidade, senón porque é agora, nun contexto económico marcado pola crise, cando os máis novos necesitan máis apoio e colaboración para poder continuar cos seus estudos.

Queremos Galego!!

2009-10-03T11:29:00.004+02:00

2009-07-23T13:39:00.001+02:00

O DÍA DA PATRIA TODOS A COMPOSTELA!!!

Agardámoste no FESTIGAL09!

2009-07-23T13:25:00.003+02:00

Outro ano máis...
e por riba en GALEGO!!

NON FALTES!

VOTA BNG!

2009-06-03T18:26:00.000+02:00

Como facer para votar por correo nas eleccións europeas 09?

2009-05-25T15:23:00.004+02:00

O vindeiro 7 de Xuño celébranse as eleccións Europeas.

Para Galiza Nova, organización xuvenil do BNG, estas son unhas eleccións moi importantes porque durante estes anos Galiza non estivo representada directamente, nunhas institucións onde se van tomar decisións fundamentais para o futuro do noso país. Queremos contar co teu apoio para facer que Galiza, a través da representación do BNG, teña voz e voto en Europa. Para que as galegas e galegos esteamos representados e poidamos defender unha Europa dos pobos e democrática, que recoñeza a diversidade nacional, cultural e lingüística. Para impulsar unha Europa social e xusta contraria ao modelo neoliberal que causou a actual crise económica e a reforma do ensino a través do Plan Boloña. Para defender os nosos sectores productivos (o agro, a pesca, o naval…) como xeradores de emprego e riqueza en Galiza. É por iso que precisamos do teu apoio ao BNG, para avanzar nas necesidades e aspiracións da xente nova: no dereito a un traballo digno na propia Terra, no dereito a un ensino público, galego e de calidade, no recoñecemento oficial do galego na UE… Por iso che pedimos o teu apoio: para que ti contes, para que Galiza conte!!

Se vas estar noutra localidade do Estado Español diferente de onde che corresponde votar, podes votar por correo:

1. Ata o 28 de maio, vai a calquera oficina de correos co Documento de Identidade, e cubre o modelo para solicitar o certificado de inscrición no censo electoral. O enderezo que indiques será a onde che envíen toda a documentación.

2. Do 18 ao 31 de maio, remitiranche a documentación para poder votar ao enderezo que indicaches (certificado de inscrición, papeletas e sobre electoral, enderezo da mesa onde che corresponde votar e folla explicativa de todo o proceso).

3. Con esta documentación elixe a papeleta de voto e introdúcea no sobre de votación, logo métea noutro sobre co enderezo da mesa electoral, xunto coa inscrición no censo.

4. Ata o 3 de xuño tes de prazo para enviala por correo certificado e urxente.

*TODO O PROCESO É DE BALDE.

*UNHA VEZ QUE SOLICITAS O VOTO POR CORREO (AÍNDA QUE DESPOIS DESISTAS) IMPIDE O VOTO PRESENCIAL NA MESA ELECTORAL O DÍA DAS ELECCIÓNS.

GALIZA NOVA DE ORDES ACUSA AO GOBERNO MUNICIPAL DE SEGUIR A POLÍTICA LINGÜISTICA DO PP .

2009-05-19T16:38:00.004+02:00

No último Pleno da Corporación Municipal de Ordes, celebrado a semana pasada, o BNG presentou unha moción en defensa da lingua galega na que se solicitaba o apoio ao “Manifesto pola convivencia lingüística e a igualdade de dereitos para o galego”, un manifesto que non fai máis que lembrar a necesidade de respectar os acordos adoptados unánimemente polo Parlamento Galego para normalizar a nosa lingua nos diversos ámbitos sociais, manifesto que xa conta coa respaldo de maís de 600 entidades e de 20.000 persoas, así como de diferentes institucións, como os Concellos da Coruña, Ames ou Melide, entre outros.

Mais a iniciativa do BNG foi rexeitada polo goberno municipal, o que pon de manifesto o total desinterese do goberno de Ordes pola normalización da lingua galega e o recoñecemento do mesmo status legal que o castelán.

Para Galiza Nova “é lamentábel que o goberno municipal de Ordes se teña negado a respaldar o manifesto pola convivencia lingüistica, apoiando a política do Partido Popular, que pretende o desmantelamento de puntos básicos da oficialidade do galego”.

Para a organización xuvenil nacionalista, “a actitude do alcalde ordense, Manuel Regos, é deplorable, xa que non dubida en antepoñer os seus intereses, achegándose á política lingüistica do novo goberno do PP na Xunta, en lugar de defender a nosa lingua e a posibilidade da convivencia en igualdade dos dous idiomas.”

Para Galiza Nova é evidente que, despois das eleccións do 1 de marzo e da entrada do PP no goberno da Xunta, o goberno municipal de Manuel Regos ten cambiado a súa postura con respecto á normalización lingüistica, xa que no 2008 apoiou o Manifesto e a mobilización convocada pola Mesa pola Normalización Lingúistica con motivo do 17 de maio, negándose, sen embargo, a apoialo este ano.

Este cambio de postura, a xuizo de Galiza Nova, demostra que “o goberno de Manuel Regos está tentando facer xestos para achegarse ao novo goberno do Partido Popular na Xunta, xestos que só obedecen a un sinxelo cálculo de interese persoal, xa que agora lle resulta máis rendíbel apoiar e compartir as posicións reaccionarias do Partido Popular con respecto á normalización do galego”.

Defende o galego!

2009-05-14T10:23:00.005+02:00

Participa na mobilización en defensa da lingua galega deste domingo, 17 de maio!

A manifestación sairá ás 12 horas da alameda de Compostela.

Dende Galiza Nova e o BNG rexeitamos a política contra o galego que está a por en marcha o novo Goberno do Partido Popular, unha estratexia que obedece á dereita máis reaccionaria e centralista de Madrid e ás súas organizacións satélites en Galiza. Por iso, animámoste a que te manifestes con nos contra a derrogración do Decreto 124/2007 que pretende o novo Goberno do PP. Os dados reflicten unha continúa perda de falantes na nosa lingua, en especial na mocidade, e un incumprimento do número de horas mínimas en galego no ensino. Por iso, temos que esixir que se aplique o Decreto, para que os nenos e nenas poidan aprender o galego, manténdoo vivo cara ao futuro.

2009-05-07T15:13:00.002+02:00

GALIZA NOVA APOIA A MANIFESTACIÓN NACIONAL
DO DOMINGO 17 DE MAIO DE 2009
con saída ás 12:00h da Alameda de Santiago de Compostela.

CONTRA OS ATAQUES Á NOSA LINGUA
O GALEGO O IDIOMA QUE NOS UNE!

ASINA O MANIFESTO AQUI!

GALIZA NOVA DE ORDES CRITICA A “ENTREGA EN MAN” DAS AXUDAS POR DESPRAZAMENTO A ESTUDANTES.

2009-05-04T15:31:00.000+02:00

A organización xuvenil afirma que Regos obriga aos estudantes a participar nun acto propagandístico.

A finais de abril, despois de que o BNG presentase unha iniciativa no pleno da Corporación Municipal de Ordes solicitando que se resolvesen as axudas para o desprazamento de estudantes, o alcalde, Manuel Regos, comezou a comunicar as resolucións das solicitudes das axudas convocadas en setembro de 2008 para o desprazamento de estudantes de ensino secundario obrigatorio, bacharelato, ciclos formativos e universitarios do Concello de Ordes.

Para Galiza Nova de Ordes é inconcebible que os estudantes ordenses tiveran que esperar máis de medio ano para coñecer a resolución da súa solicitude de axuda, cando o curso escolar xa esta próximo a rematar.

Por outra banda, a organización xuvenil nacionalista considera moi grave que nas resolucións das axudas se estableza como requisito indispensábel para poder percibir a mesma a participación do estudante nun acto publico de entrega das axudas presidido polo alcalde de Ordes, que terá lugar o próximo 9 de maio na Casa da Cultura. Para Galiza Nova non é normal que en pleno século XXI, a entrega destas axudas se realice en man, en lugar de transferilas a unha conta bancaria do solicitante, obrigando aos estudantes a participar nun acto propagandístico do alcalde de Ordes, o que constitúe unha boa proba da actitude “clientelar e caciquil” que caracteriza a Manuel Regos.

Ademáis, desde a organización local das mocidades do BNG, lamentan a falla total de información que sufriron os mozos e mozas de Ordes respecto da resolución destas axudas; así como a ausencia de máis medidas de apoio para os máis novos do Concello, non só no ámbito do ensino senón tamén no eido laboral, xa que nun contexto económico como o actual son moitos os mozos e mozas de Ordes que se ven obrigados a marchar da súa vila para conseguir un emprego, sen que o goberno municipal de Manuel Regos faga nada ao respecto.

Por un ensino galego, público e de calidade.

2009-03-23T12:18:00.002+01:00

Galiza Nova ao longo dos seus anos de existencia sempre tivo como un dos principais eixos de actuación a loita por un ensino galego, público e de calidade. Por iso, amosamos o noso apoio ao manifesto presentado pola CIG e os Comités entre outros, en defensa da universidade pública galega.
Este manifesto xorde nun contexto mercantilizador, desgaleguizador e elitizador froito da implantación do Espazo Europeo de Educación Superior, sendo preciso sumar esforzos para asegurar e manter o caracter público e galego do ensino universitario no noso país.

GALIZA NOVA DE ORDES RECLAMA QUE SE EFECTÚE O PAGAMENTO DAS AXUDAS AO TRANSPORTE.

2009-03-18T15:25:00.002+01:00

En setembro do pasado ano, tivo lugar a convocatoria de axudas por desprazamento a estudantes de ensino secundario obrigatorio, bacharelato, ciclos formativos e universitarios para o curso 2008/2009 do Concello de Ordes, sen que a día de hoxe exista ningún tipo de información sobre o estado no que se atopan as solicitudes.

Para Galiza Nova de Ordes é inconcibible que, cando faltan varios meses para o remate do curso académico e do período lectivo, as axudas non se teñan concedido nin exista ningunha información ao respecto.

Segundo a organización das mocidades do Bloque Nacionalista Galego de Ordes non ten sentido ningún convocar axudas para o transporte do estudantado, se se conceden fora do período lectivo, cando os mozos e mozas de Ordes xa non precisan desprazarse para acceder aos seus centros de ensino.

Por todo isto, Galiza Nova de Ordes reclama que o goberno municipal, dirixido por Manuel Regos, efectúe a entrega inmediata das axudas por desprazamento a estudantes, xa que é nun momento como o actual, marcado pola crise económica, cando máis se ten que apoiar á mocidade ordense, xa que os máis novos de Ordes constitúen o futuro do Concello, e deles dependerá a súa prosperidade no futuro.

8 DE MARZO: DIA INTERNACIONAL DAS MULLERES 2009.

2009-03-06T18:31:00.002+01:00

DIA DA MULLER TRABALLADORA:
A celebración deste día vincúlase aos acontecementos que tiveron lugar en 1908, cando 129 mulleres costureiras dunha fábrica de Nova Iorque, morreron queimadas no seu lugar de traballo, cando estaban a secundar unha folga. Demandaban a igualdade salarial co home, a mellora das condicións hixiénicas, un tempo para a lactancia e a reducción da xornada laboral. O empresario negouse a dialogar coas empregadas e prendeu lume ás instalacións.

Nestes momentos de crise económica que está vivindo a sociedade, a defensa dos dereitos laborais das mulleres faise aínda máis imprescindíbel, xa que a reducción dos postos de traballo vai incidir de maneira particular sobre o emprego feminio, que adoita ser un emprego marcado pola precariedade e sen a cobertura suficiente ante o desemprego.

GN apoia as manifestacións e concentracións programadas pola Marcha das Mulleres na Galiza:
Agardámoste o domingo 8 ás 12:00h na Praza do Toural!

MITIN DO BNG DE ORDES

2009-02-23T14:44:00.001+01:00

Contamos contigo o vindeiro martes 24 de febreiro as 21:00h. no restaurante O Túnel!

VOTAR POR CORREO:

2009-02-12T10:54:00.001+01:00

Se non vas estar na localidade na que che corresponde votar, solicita o voto por correo:
1. Ata o 19 de febreiro, vai a calquera oficina de correos co Documento de Identidade, e cubre o modelo para solicitar o certificado de inscrición no censo electoral. O enderezo que indiques será a onde che envíen toda a documentación.
2. Do 9 de febreiro ao 22 de Febreiro, remitiranche a documentación para poder votar ao enderezo que indicaches (certificado de inscrición, papeletas e sobre electoral, enderezo da mesa onde che corresponde votar e folla explicativa de todo o proceso)
3. Con esta documentación elixe a papeleta de voto e introducea no sobre de votación, logo metea noutro sobre co enderezo da mesa electoral, xunto coa inscrición no censo.
4. Ata o 25 de febreiro tes de prazo para enviala por correo certificado e urxente.

XOVES 5: RUBÉN CELA EN ORDES.

2009-02-01T22:23:00.002+01:00

O BNG sempre considerou á xuventude como un sector activo e preparado a quen lle hai que conceder protagonismo na construcción da sociedade.
Na Dirección Xeral de Xuventude e Solidariedade (encadrada na Vicepresidencia de Igualdade e do Benestar de Anxo Quintana) tiveron sempre presente que os mozos e mozas deste país temos moito que dicir, por iso, escoitáronnos, coñecendo de primeira man as nosas demandas, tomaron nota e, por primeira vez, fixeron políticas para a mocidade téndoa en conta.
O Director Xeral de Xuventude e Voluntariado: Rubén Cela, levou a cabo iniciativas necesarias e innovadoras (nalgún caso pioneiras en Europa). Pero, a pesares do esforzo realizado, aínda queda moito por facer.

Dende Galiza Nova, animámoste a participar nun acto organizado polo Bloque Nacionalista Galego de Ordes sobre MOCIDADE e políticas xuvenís no que participará o Director Xeral de Xuventude e Voluntariado: Rubén Cela.
Terá lugar o xoves 5 de febreiro, no Restaurante O Túnel de Ordes, ás 21:00 h.

Acto do BNG:

2009-01-21T09:44:00.003+01:00

O vindeiro luns, 26 de xaneiro, ás 20:30 horas terá lugar na discoteca LP-45 de Ordes, un acto do BNG, no que intervirán Gonzalo Castro, Rosario Fernández Velho, Ana Pontón e Anxo Quintana (Candidato á Presidencia da Xunta de Galiza).

Dende Galiza Nova animamos a todos os mozos e mozas a que asistan, xa que se presentarán as propostas para as vindeiras eleccións galegas.

PAZ E LIBERDADE PARA PALESTINA!

2009-01-16T13:14:00.004+01:00

Galiza Nova estará na manifestación que terá lugar o próximo domingo ás 12h. na alameda de Compostela esixindo o cese dos brutais ataques ao pobo palestino por parte do Estado imperialista de Israel.
Acude!

FOLGA ESTUDANTIL NO ENSINO MEDIO O 26 DE NOVEMBRO

2008-11-19T10:20:00.001+01:00

Debido ao incumprimento do decreto 124/2007 para a galeguización do ensino dende Galiza Nova, a Mocidade pola Normalización Lingüística e os Comités facemos un chamamento a parar as aulas o vindeiro 26 de novembro.

PAREMOS AS AGRESIÓNS CONTRA O GALEGO!

2008-10-24T11:34:00.001+02:00

2008-10-10T12:55:00.010+02:00

A Marcha Mundial das Mulleres, da que a Asemblea de Mulleres de Galiza Nova forma parte, celebra o seu VII Encontro Internacional na Galiza e convoca a unha mobilización masiva da sociedade galega de apoio aos proxectos de transformación social que aporta o Feminismo.

A manifestación terá lugar o domingo 19 de outubro en Vigo, con saída ás 12.00 horas da Praza do Concello e chegada na rúa do Areal perto da feira de soberanía alimentaria que organiza a propia Marcha Mundial das Mulleres.

Para máis info sobre o Encontro Internacional da Marcha Mundial das Mulleres na Galiza:

http://www.feminismo.info/webgalego/.

LOCAL DE ENSAIO XA!

2008-07-30T11:45:00.002+02:00

Galiza Nova apoiou ós grupos de música do concello, que se manifestaron no pleno municipal do día de onte mediante unha pancarta e camisetas nas que se podía ler: LOCAL DE ENSAIO XA!
A reivindicación dun local de ensaio para Ordes xa non é nova. Galiza Nova xa ten conseguido o compromiso do Director Xeral de Xuventude: o nacionalista Ruben Cela para o financiamento da infraestructura, e no pasado mes de febreiro levouse a cabo, baixo a iniciativa do BNG e a súa organización xuvenil, a aprobación dunha moción na que se acordaba que o goberno ordense solicitara unha subvención á Dirección Xeral de Xuventude para o acondicionamento do local.
O goberno, esquecendose de novo da mocidade, non ten feito nada ata o momento para cumprir o acordo.

ENTREGA DE PREMIOS DO I CONCURSO DE RELATOS CURTOS EN GALEGO ORGANIZADO POR GALIZA NOVA DE ORDES.

2008-06-28T18:34:00.004+02:00

Galiza Nova fixo entrega esta tarde dos premios do I Concurso de Relatos Curtos en galego. Este concurso, que naceu coa intención de aumentar o compromiso da mocidade co futuro da lingua e para loitar contra os prexuizos que ainda existen arredor do galego, contou cunha participación de máis de dez rapaces e rapazas do concello de Ordes.

No acto, no que contamos coa presenza da concelleira nacionalista Maria Xosé Raña, fixo entrega dos premios a Secretaria Xeral de Galiza Nova: Iria Aboi.

Resultaron premiadas as seguintes participantes:

1º premio: Iria Martínez Mirás, de 15 anos, co relato Os Diestranos.

2º premio: Olalla Viqueira Viqueira, coa poesía A vida é así.

3º premio: Alba Martínez Mirás, co relato Non llo digas a ninguén.

Dende Galiza Nova agradecemos a participación dos mozos e mozas de Ordes, agardando que nas próximas edicións se incrementen os participantes.

ORGANIZACIÓN DO DÍA DAS FORZAS ARMADAS

2008-05-26T09:33:00.002+02:00

Dende Galiza Nova Ordes consideramos de discutíbel valor pedagóxico para os rapaces a iniciativa desenvolvida polo goberno municipal de Manuel Regos, no que se presentou como "Día das Forzas Armadas" en Ordes e á que asisitiron 200 rapaces dos colexios existentes no municipio.
Consideramos dubidosamente didáctico o encontro dos cativos con toda unha mostra de armamento e lamentamos que o goberno local en lugar de fomentar nos nenos e nenas do noso Concello os valores da igualdade, solidariedade e o pacifismo, organice actos que o único que contribuén é a ensalzar o belicismo, a violencia e o militarismo.
Preocupannos os valores que o goberno de Manuel Regos pretende transmitir aos nenos e nenas que representan o futuro do noso concello e que deberían ser educados na paz e no respecto aos dereitos humanos, non no militarismo e belicismo.

Proxección As Encrobas, a Ceo Aberto.

2008-05-26T09:28:00.007+02:00

GRAZAS POLA VOSA ASISTENCIA!

AS ENCROBAS, A CEO ABERTO.

2008-05-21T09:32:00.002+02:00

O próximo venres 23 de Maio ás 20:00h no Pub Arcos, proxectaremos o documental AS ENCROBAS, A CEO ABERTO (dirixido por Xosé Bocixa).

O documental basease nos enfrontamentos que tiveron lugar na parroquia das Encrobas (do concello veciño de Cerceda) cando, no ano 1977, a empresa Limeisa, filial de Unión Fenosa, tentou facerse, a prezos moi baixos e incluso mediante expropiacións forzosas, coas terras baixo as que se albergaban miles de toneladas de carbón.

NON FALTES!

2008-05-12T13:04:00.000+02:00

LETRAS GALEGAS 08: Xosé Maria Álvarez Blázquez.

2008-05-12T12:53:00.003+02:00

O polifacético Xosé María Álvarez Blázquez (1915-1985) lega unha obra literaria considerábel. Cultiva a narrativa, a poesía e mesmo se achega ao xénero biográfico. No eido poético, ás obras Poemas de ti e de min, Roseira do teu mencer, Cancioeiro de Monfero, Romance do pescador peleriño e Canle segredo hailles que engadir varias ducias de poemas dispersos e inéditos que as edicións da súa poesía completa compilan e publican para dar conta da súa verdadeira entidade como poeta.

A súa obra narrativa é maioritariamente castelá, aínda que deixou en galego Os ruíns (1936) e mais A pega rabilonga e outras historias de tesouros (1971). A súa novela En el pueblo hay caras nuevas, que foi finalista do primeiro Premio Nadal en 1945, e mais Crecen las aguas (1956) están hoxe editadas en galego.

Tamén fixo unha incursión na dramaturxia de par do seu irmán Emilio, con quen escribiu as pezas teatrais El zapato de cristal e Los pazos altivos. Ambas as dúas foron estreadas en 1947.

Máis info en www.17demaio.com

I CONCURSO DE RELATOS CURTOS en galego.

2008-05-12T12:32:00.005+02:00

BASES:

- Poderán participar no concurso todos aqueles autores con idade comprendida entre 10 e 18 anos, que presenten as súas obras en lingua galega.

- Os traballos deberán ser orixinais e inéditos, non podendo estar premiados nin ter participado noutros certames.

- Cada persoa poderá presentar ao concurso os relatos que desexe.

- Terán unha extensión mínima dun folio e a temática será de libre elección para o autor, coa única condición de estar escritos en lingua galega.

- Enviaranse como documentos adxutos por correo electrónico á seguinte dirección: galizanovaordes@gmail.com indicando nome, apelidos, idade e teléfono de contacto.

- O prazo de admisión de relatos rematará o sábado 21 de xuño.

- Todos os traballos recibidos serán publicados no blog: galizanovaordes.blogspot.com

- O concurso está dotado dun primeiro premio consistente nun diploma acreditativo, un mp3 e unha obra destacada da literatura galega; e dun segundo premio consistente nun diploma acreditativo e unha obra destacada da literatura galega.

- Un xurado, formado por catro membros, valorará os traballos presentados.

- A entrega de premios terá lugar o 28 de xuño, nela lerase o relato gañador do primeiro premio, sendo obrigatoria a presenza no acto dos gañadores do certame.

Condena á barbarie terrorista

2008-03-07T20:16:00.002+01:00

Galiza Nova Ordes quere expresar a súa máis enérxica condena perante o execrábel asasinato de Isaías Carrasco, tiroteado hoxe por un terrorista de ETA.

A violencia terrorista repugna a conciencia de todos os demócratas e ofende tamén a conciencia profundamente pacifista do pobo galego. A miseria moral do terrorismo representa un intolerábel atentado contra os dereitos humanos máis elementais e obriga a todas as forzas políticas democráticas, a todos os pacifistas, a manter unha acción unitaria e a non facer uso político nen eleitoralista da violencia.

Este é o momento da unidade entre os demócratas o momento da fortaleza do Estado de Dereito e da democracia fronte a iniquidade dos terroristas.

Local de ensaio

2008-02-26T19:45:00.002+01:00

O local que finalmente se cederá á Dirección Xeral de Xuventude e Voluntariado para que proceda a habilitalo como local de ensaio será a actual escola de música (situada no Campo da Feira), que terá que ser reformada para darlle unha altura máis.

O próximo xoves as 21:00 h. Galiza Nova manterá unha reunión informativa cos grupos de música na que se tratarán estes avances.

MOCIÓN DE TRANSPORTES

2008-02-26T17:24:00.004+01:00

No pleno municipal do luns 25 de Febreiro, aprobouse unha moción sobre o transporte colectivo no Concello de Ordes, presentada polo Grupo Municipal do BNG a petición de Galiza Nova.

Coa moción fixose referencia ó lamentable estado no que se atopa o transporte colectivo en Galiza e acordouse, por unanimidade, o seguinte:

1. Solicitar da Xunta de Galiza que inste ao goberno do Estado ao estabelecemento do servizo ferroviario de proximidade en Galiza, nomeadamente no Eixo Atlántico, e a súa posterior transferencia a esta comunidade.

2. Instar á Consellaría de Política Territorial, Obras Públicas e Transporte a que revisen as concesións das liñas que afectan ao noso concello para a que se aumenten as seguintes frecuencias: A Coruña – Ordes 22:00 (Saida desde A Coruña). Santiago – Ordes as 22:00 (Saida desde Santiago).
e se rebaixen os seguintes billetes: Ordes – Santiago e Ordes – A Coruña

3. Instar á Consellaría de Política Territorial Obras Públicas e Transporte á potenciación da intermodalidade entre o transporte colectivo por estrada e o transporte ferroviario, conectando as estacións e os apeadeiros ferroviarios coas liñas de autobuses.

4. Solicitar á Consellaría de Educación e á Consellaría de Política Territorial, Obras Públicas e Transporte a gratuidade do servizo de autobús para estudantes de primeiro e segundo de Bacharelato dos seguintes centros do concello: I.E.S. Nº1 de Ordes e I.E.S. Nº2 de Ordes.

5. Solicitar á Consellaría de Educación e á Consellaría de Política Territorial Obras Públicas e Transporte, que se cumpla a gratuidade do transporte escolar para alumnos de ESO, independentemente do Instituto do Concello ao que acudan.

6. Solícitar á Consellaría de Educación e á Consellaría de Política Territorial Obras Públicas e Transporte o servizo de transporte compartido; coa finalidade de que as persoas que non señan estudantes e non dispoñan dunha boa rede de transporte público, poidan acudir ao pobo nesa liña.

7. Solicitar as empresas que xestionan as liñas do transporte escolar, que amplien as mesmas para disfrutar dun servizo mais eficiente.

Aprobación da Moción dos Locais de Ensaio

2008-02-01T14:17:00.000+01:00

No pasado pleno municipal do 1 de Febreiro de 2008, aprobouse por unanimidade a moción presentada polo grupo municipal do BNG, na que se acorda que o Concello solitará á Dirección Xeral de Xuventude (Dirixida polo nacionalista Rubén Cela Díaz) a adhesión de Ordes á Rede Galega de Locais de Ensaio coa maior celeridade posibel. Na exposición de motivos da mesma citábanse como posibeis locais para cederlle á Dirección Xeral de Xuventude O antigo Centro Médico situado no campo da feira, a escola e a antiga cárcere situadas na rúa de Galiza, ou a construcción anexa ao campo de fútbol municipal de Vista Alegre, entre outras.

Durante o pleno o portavoz municipal do grupo municipal do BNG, Gonzalo Castro, rercordou que a solicitude de adhesión á Rede Galega de Locais de Ensaio debe ser realizada rápidamente, e suxeriu que no pleno extraordinario que se celebrará a próxima semana, se inclua un punto para concretar cal sería o local cedido á Dirección Xeral de Xuventude.

Dende Galiza Nova estamos moi content@s da aprobación da Moción e moi orgullos@s de que o noso traballo se vaia ver reflectido en breve nunha mellora para a Mocidade e a Cultura Ordense.

Visita ó local de ensaio de Boiro.

2008-01-24T13:19:00.001+01:00

Inauguración do local de ensaio de Boiro por Quintana e o alcalde nacionalista Deira.

O próximo sábado, 26 de Xaneiro, os grupos de música de Ordes e os membros de Galiza Nova visitaremos o local de Ensaio de Boiro.
Este local foi inaugurado en Decembro de 2006; contando con 200 metros cadrados distribuidos en tres salas de ensaio, completamente insonorizadas e equipadas, e un estudo de gravación; despois dun investimento de 60000 euros.

Esta actividade responde as xestións que dende Galiza Nova estamos a levar a cabo para dotar ó noso concello dunha infraestructura onde a mocidade ordense poida ensaiar e gravar a súa música.

Neste senso, dende a organización xuvenil do BNG xa mantivemos reunións co Director Xeral de Xuventude e Solidariedade (o nacionalista Ruben Cela) que adquiriu o compromiso de sufragar os custos da instalación do local, e cos grupos de música de Ordes.
Asimesmo, no pleno municipal do próximo luns, o grupo municipal do BNG presentará unha moción na que se solicitará a adhesión do concello á Rede Galega de Locais de Ensaio, asi como a cesión dun local á Dirección Xeral de Xuventude para que proceda a súa habilitación.

Video Campaña dos transportes

2008-01-02T17:39:00.000+01:00

Picando no enlace inferior podedes ver o video que editou Galiza Nova con motivo da campaña do Transporte, que se está a levar a cabo.

Ver Video

Galiza Nova reunese co Director Xeral de Xuventude

2007-12-24T16:16:00.000+01:00

Reunión de Galiza Nova e o grupo municpal do BNG co Director Xeral de Xuventude

O vindeiro Mercores 26 de Decembro, Galiza Nova manterá unha reunión cos grupos de musica de Ordes, como xa anunciou o pasado dia 23 "La voz de Galicia".
Na reunión comunicaraselle aos grupos, que o pasado dia 12 de Decembro a asamblea local de Galiza Nova, xunto co grupo municipal do BNG, tuberon unha reunión co Director Xeral de Xuventude, na que este se comprometeu a dotar a Ordes dun local de ensaio se o concello cede un local de propiedade municipal. Cabe destacar, que a totalidade dos custos para facer o local de ensaio, serían asumidos pola Dirección xeral de xuventude, polo que o concello non tería que asumir ningun coste. Ademais, estando o local adherido á rede galega de locais de ensaio, disporía anualmente de unha subvención para renovar e mercar novos instrumentos e equipos musicais.

Outro dos obxetivos da reunión, é estudar cos grupos que local consideran mais axeitado para local de ensaio.

Tamen queremos anunciar, que para o próximo pleno de Xaneiro, Galiza Nova presentará unha moción no concello, mediante o grupo municipal do BNG, para solicitar a adhesión de Ordes á rede galega de locais de ensaio e que o Concello, lle ceda un local á dirección xeral de xuventude para que esta leve a cabo as obras necesarias para que Ordes teña por fin, un local de ensaio.

Galiza vs Camerún

2007-12-22T13:32:00.000+01:00

O Xoves 27 de Decembro, a nosa selcción enfrontase a Camerún no estadio de Balaidos (Vigo).
Galiza Nova de Ordes, organiza unha viaxe para ir ver o partido. O prezo é de 5 Euros, autobus (ida e volta) e entrada incluidos. O autobus sairá da alameda de Ordes as 17:30 e sairá de Vigo para facer o traxecto de volta, 1 hora despois da conclusión do encontro ("El Correo Gallego").

Para anotarse, simplemente tendes que chamar a un destes telefonos:

647555149
696650625

Ven connosco a animar á nosa selección!!

Documental Fronteiras

2007-12-22T13:27:00.001+01:00

O pasado 21 de Decembro, 24 persoas disfrutaron con nos no Centro Comarcal, da proxección do Documental "Fronteiras, un percorrido polos limites xeográficos e culturais de Galicia". O acto durou uns 75 minutos. Dende aqui agradecer a asaistencia e agardamos que en próximas citas (posiblemente no entroido) repitan e se achegue mais xente.

Documental FRONTEIRAS

2007-12-13T12:04:00.000+01:00

En Galiza Nova Ordes temos prevista a realización do noso 1º acto público o próximo 21 de Decembro ás 18:00 h. no Centro Comarcal, onde proxectaremos o documental FRONTEIRAS, un percorrido polos límites xeográficos e culturais de Galicia, de Ruben Pardinhas.

Documental no que se debate sobre a qué comunidade político-cultural deben pertencer as rexións fronteirizas. Nel inclúense entrevistas a xente de Vilafranca do Bierzo e Ponferrada (León), Ibias e El Franco (Asturias), Hermisende e Lubián (Zamora) ou Castro Laboreiro (Portugal) nas que se reflexiona co feito de que moitas veces as divisións administrativas non coincidan coas lindes culturais.

¡CONTAMOS CONTIGO!

25 de Novembro: Día Internacional da Eliminación da Violencia contra as Mulleres.

2007-11-22T11:00:00.000+01:00

REVÍRATE CONTRA A VIOLENCIA
O 25 de Novembro foi declarado pola Asemblea Xeral das Nacións Unidas como o día Internacional da Eliminación da Violencia Contra as Mulleres co obxectivo de implicar aos gobernos e organizacións na sensibilización do grave problema que constitúe esta violencia. É, polo tanto, este día unha data para a denuncia na que a Asemblea de Mulleres de Galiza Nova quere contribuir a espertar unha vez máis a concienciación social e a reflexión nas galegas e galegos, en especial na xente moza pois de nós depende en grande medida, que no futuro non se dean moitas das situacións que actualmente contribúen a perpetuar esta lacra social.
Para conseguir mudar as cousas cómpre ter claro que a violencia contra as mulleres é un fenómeno estructural derivado da desigualdade de poder entre homes e mulleres, é polo tanto un instrumento de dominación e de control que se manifesta de múltiples xeitos.
Debido a súa gravidade deben ser moitas as medidas e liñas de actuación, aínda que dende a Asemblea de Mulleres de Galiza Nova somos conscientes de que a violencia machista non desaparecerá só pola vía normativa, consideramos positiva a aprobación da primeira Lei Galega para a Prevención e Tratamento Integral da Violencia de Xénero, impulsada polo BNG no goberno da Xunta de Galiza. Esta lei dótanos dunha maior capacidade de resposta ante as necesidades e demandas das mulleres que padecen violencia no noso país. Dende unha política totalmente integral a Lei galega supera moitos dos elementos limitadores da lexislación estatal, primando entre outros, os recursos para que as mulleres acaden a independencia respecto aos seus agresores.
Grazas ao traballo do feminismo, de moitas mulleres e organizacións coma a nosa, foi posíbel avanzar importantes chanzos na loita contra esta problemática, mais para poder mudar dun xeito efectivo esta situación cómpre que non ollemos cara outro lado e nos comprometamos. Por iso que dende a Asemblea de Mulleres de Galiza Nova chamamos a todas as mozas a organizarse con nós para seguir loitando polos nosos dereitos como mozas galegas.
ORGANÍZATE COA ASEMBLEA DE MULLERES DE GALIZA NOVA!!!!!

Participa na concentración que terá lugar o vindeiro 25 de Novembro en Santiago ás 12,30 horas na Praza do 8 de Marzo.

Viaxar na Galiza, materia pendente do Estado.

2007-11-22T10:02:00.000+01:00

Éste é o título da campaña ca que Galiza Nova a nivel nacional quere reivindicar un transporte público de calidade, así como, a adopción de medidas de mellora tanto no servizo de autobuses como no de trens.

Con respecto ós autobuses, reivindicamos uns horarios adaptados as nosas necesidades, a gratuidade deste medio para os alumnos do bachillerato, rebaixas no prezo para o estudantado, a adaptación dos autobuses para persoas con problemas de mobilidade…

Con respecto ó tren, pedimos un ferrocarril acaído ás necesidades do país, é dicir:
-a modernización dos trens e a mellora das estacións e apeadeiros.
-creación da rede de Cercanías: A Coruña-Ferrol-Santiago-Vilagarcía e Pontevedra-Vigo.

-combinación dos horarios de ferrocarril cos de bus.

-aumento de prazas na liña A Coruña-Vigo, no desprazamento de estudantes.

-aumento na frecuencia de trens na liña Ourense-Vigo, Ourense-Santiago, Lugo-Monforte-Ourense, Ferrol-A Coruña.

-ampliación das liñas Santiago-Lugo, Lugo-A Mariña e Ferrol-A Mariña.

------------------

+ Info en GZnación, La Voz de Galicia e na páxina web de Galiza Nova.

XIX Xornadas de Verán.

2007-09-18T12:43:00.001+02:00

Un ano máis, Galiza Nova, a organización xuvenil do BNG, organiza as Xornadas de Verán. Este ano as XIX xornadas de Verán serán na Comarca da Montaña, que abrangue os concellos de: Sobrado, Vilasantar, Arzúa, Melide, Toques, Boimorto, Curtís, Mesía e Santiso. As xornadas de Verán son 3 días, o 21, 22 e 23 de Setembro de festa, deportes, charlas, convivencia, coñecemento do país. Animate a participar enviando a túa inscripción a nacional@galizanova.org. A cota de inscripción é de só 15 Euros incluíndo comida, durmida, desprazamento e actividades. Os interesados poden atopar mais información na Web Nacional de Galiza Nova. www.galizanova.org

Vertidos no Río Cabrón

2007-09-14T14:51:00.000+02:00

Como se pode comprobar na foto, hoxe Venres 14 de Setembro de 2007, as augas do río Cabrón baixaban cunha cor blancuzca e desprendendo un olor raro. O feito foi descuberto as 11:45 da mañan por Pablo Vidal Ríos, militante de Galiza Nova en Ordes, o cal tratou de buscar a orixe do vertido. O rastro levouno ata a piscina municipal no campo da feira. Ante a imposibilidade de inspeccionar o tramo cuberto, Pablo chamou á Policia Local as 12:00, para que foran investigar os feitos. Por desgraza cando a Policia Local chegou ó lugar as (12:10), as augas baixaban algo turbias pero sen esa cor blancuzca. Os axentes inspeccionaron o río pola zona do muiño, lugar por onde as augas baixaban con normalidade. Estes datos revelan que os vertidos proceden das inmediacións da piscina, anque non se pode demostrar con total certeza por estar o tramo cuberto.

Galiza Nova, a través do grupo municipal do BNG, requerirá ó goberno municipal presidido por Manuel Regos, que se fagan as investigacións pertinentes para determinar a orixe do vertido. Consideramos que é inadmisibel que Ordes eté a sufrir continuamente vertidos contaminantes no seus ríos, o que constitue unha grave agresión ao medio ambiente, ademáis de ser potencialmente perigoso para a saúde dos veciños/-as do noso concello ao afectar á potabilidade da auga.

Máis información nos xornais La Voz de Galicia e El Correo Gallego.

25 de Xullo Día da patria

2007-07-21T13:25:00.000+02:00

25 de Xullo manifestación que sairá, como todolos anos, da alameda de Santiago as 12:00 da mañá, percorrendo as rúas de Santiago ata chegar á praza da Quintana.

Festigal

2007-07-17T12:09:00.000+02:00

Tedes mais información sobre o Festigal en www.festigal.com

Dia do orgullo

2007-06-27T10:29:00.001+02:00

A nova situación de Ordes

2007-06-18T12:52:00.000+02:00

O pasado sábado tivo lugar o pleno de investidura do novo alcalde: Manuel Regos.

Dende o BNG tentouse por todos os medios posibles un cambio real na política municipal, as nosas negociacións poselectorais estiveron sempre centradas nun cuatripartito (PSOE, NA, TEGA E BNG) que conseguiría modificar a mala situación do Concello e deixar fóra do poder ós que durante vinte anos estiveron malgobernando o noso pobo.

Grazas á nula disposición e colaboración do PSOE e de Esther Couto ese cambio tan agardado por moitos non se puido producir.

O BNG e a súa organización xuvenil: GALIZA NOVA seguirán a traballar sen descanso dende a oposición para que Ordes avance e para que a mocidade conte e teña voz no concello ó longo dos próximos catro anos.

Candidatura do BNG

2007-05-03T13:39:00.000+02:00

Esta é a candidatura que o BNG de Ordes vai presentar hoxe ás 8:30 en Lp45, contando coa presenza do vicepresidente da Xunta:

Candidatos
1.-D. GONZALO-HENRIQUE CASTRO PRADO
2.-Dª. MARÍA XOSÉ RAÑA SUÁREZ
3.-D. RAMIRO RECOUSO LISTE
4.-D. AVELINO CANDAL FARIÑA
5.-Dª. ROSA NEIRA NOYA
6.-D. XOSÉ LINO GAUDEOSO VÁZQUEZ
7.-Dª. MONTSERRAT REY PATIÑO
8.-D. JOSÉ ANTONIO RAÑA REGUEIRA
9.-D. GONZALO ÁLVAREZ PRADO
10.-Dª. MARIA SOL BLANCO SUÁREZ
11.-D. PABLO VIDAL RIOS
12.-Dª. PILAR RIVERA MOSQUERA
13.-Dª. PAULA COSTA FRANQUEIRA
14.-D. JUAN CARLOS GARCÍA VÁZQUEZ
15.-D. MANUEL VEIRAS VARELA
16.-Dª. VANESSA ASPRÓN SONEIRA
17.-D. XESÚS MANUEL FRANQUEIRA VILLAVERDE
Suplentes
1.-D. ÓSCAR MARTINEZ IGLESIAS
2.-D. FERNANDO SEIJAS DARRIBA
3.-Dª. VANESSA LIÑARES COUTO
4.-D. ALEXANDRE SANTOS VILLAVERDE
5.-Dª. MARÍA SALOMÉ GONZÁLEZ CONDE
6.-D. PABLO VEIGA NOYA
7.-Dª. LUCÍA CANDAL GANDARA
8.-D. JOSÉ ANTONIO CAMPOS MOSQUERA
9.-Dª. MARÍA LUISA CELA CASTRO
10.-D. JESÚS MANUEL RIOS PENA

Acto de presentación da Candidatura do BNG

2007-04-26T09:02:00.000+02:00

O vindeiro Xoves 3 de Maio terá lugar en LP 45 as 20:30 da tarde a presentación da Candidatura do BNG ás eleccións municipais de Ordes. Neste acto contaremos coa presenza do Portavoz Nacional do BNG e Vicepresidente da Xunta de Galiza, Anxo Quintana. Queremos convidarvos a todas e todos a asistir ao acto.

Tamén cabe salientar que en dita candidatura están integrados 6 membros de Galiza Nova dos cales 2 son mozos e 4 son mozas.

Visita de Rubén Cela a Ordes

2007-04-24T10:07:00.000+02:00

Rubén Cela, actual Director Xeral de Xuventude na Xunta de Galiza e antigo Responsábel Nacional de Galiza Nova, visitará este mércores 25 de Abril ás 20:30 da tarde o noso Concello. Esta visita ten dous obxectivos principais:

Por un lado, ter unha charla cos membros da protección civil de Ordes co fin de informar sobre o Plan de Voluntariado para a Defensa dos Montes Galegos.

E por outro bando, ter unha charla con representantes dos grupos de musica de Ordes co fin de contemplar a posibilidade de incluir Ordes na Rede Galega de Locais de Ensaio e buscar unha posíbel ubicación para dito local. Ademais pretendese nesta charla coñecer as eivas que teñen ditos grupos, responder perguntas e mesmo dar información sobre futuras subvencións.

Saúdo

2007-04-22T19:49:00.000+02:00

Desde fai mais dun ano un grupo de rapazas e rapaces de Ordes estamos a reactivar a organización de Galiza Nova no noso concello. Neste blogue procuraremos informar das novas e das actividades do noso entorno.
Intentaremos e esperamos que este blogue cumpra coa súa función e animamos aos visitantes a que deixen os seus comentarios nas distintas entradas que poidamos publicar.
Sen máis, un saúdo.